A Asociación de Estudios Históricos de Galicia  presentou o novo número da súa revista Nalgures, o décimoterceiro volume da serie. O acto tivo lugar o 18 de xaneiro no salón principal do Sporting Club Casino da Coruña. A presentación correu a cargo de José M. Bértolo e de José Enrique Benlloch del Río.

Rosario Martínez Martínez deu a conferencia “Sofía Casanova, corresponsal de ABC en la Revolución rusa”. Ese mesmo día polá mañá a ponente foi entrevistada nun programa da cadena SER, o que motivou a asistencia de numeroso público, a maiores da dos socios que quixeron acompañarnos neste acto.Ademais de abordar a figura de Sofía Casanova esta nova entrega da publicación inclúe artigos sobre José Gambino, Marcial del Adalid, Pedro de Castro Figueroa, Benito Maristany e o conde Gómez González de Traba. Outros textos estudan a igrexa parroquial de Muxía, o monacato dúplice na provincia de Pontevedra e o porto de Ribadeo na Guerra de Independencia.